Ditën e djeshme kryeminmistri i Maqedonisë së Veriut Zoran Zaev propozoi të çojë vendin në zgjedhje të parakohshme pas refuzimit nga BE për hapjen e negociatave të anëtarësimit.
Këtë vendim të tijin e ka komentuar ish-kryeministri këtij vendi Nikolla Gruevski, i cili u arratis kohë me parë në Hungari.
Sipas Gruevskit qëllimi i Zaevit është të demonizojë opozitën, dhe në këtë mënyrë të fitojë mbështetje nga ndërkombëtarët.
“Ai është i vetëdijshëm se pa ata, nuk ka asnjë shans që njerëzit ta mbështesin mjaftueshëm sa për të fituar ose për të humbur, dhe në fakt pa fitore të formon qeveri.
Në fakt, lart e poshtë ai do të paraqitet me të njëjtën fushatë dhe me të njëjtat teza para bashkësisë ndërkombëtare, por edhe brenda vetë zgjedhjeve.
Paraqitja e opozitës si një ‘marionetë të frikshme nacionaliste’ në lidhje me integrimet evropian dhe euro-atlantike, ndërsa veten do e prezantonte si engjëll shpëtimtar”, ka shkruar mes tjerash Gruevski.
