Kili kaloi mbrëmë natën e dytë të protestave të dhunshme , ku mbetën të vrarë 3 persona.
Personat që humbën jetën, gjendeshin brenda një supermarketi, i cili u përfshi nga flakët gjatë protestave.
Dy nga viktimat ndërruan jetë në vend, ndërsa viktima e tretë ndërroi jetë gjatë transportit në spital, tha për gazetarët kryebashkiakja, Karla Rubilar.
Protestat nisën për shkak të rritjes së tarifës së metrove nga qeveria.
Për të qetësuar situatën, Presidenti Sebastián Piñera ka pezulluar një rritje të tarifave të metrosë që ishin shkaku i protestave, por pavarësisht njoftimit trazirat kanë vazhduar.
Kryeqyteti i vendit, Santiago është rrethuar pas shpalljes së gjendjes se jashtëzakonshme.
