Ish-deputeti i Partisë Demokratike, Tritan Shehu, ka komentuar Shengenin ballkanik, ndërsa shkruan në rrjet se Serbia parashikon nënshkrimin e një traktati me Moskën më 25 tetor.
Sipas tij, ky traktat që pritet të firmoset nga Serbia është i ngjashëm me “Mini-Shengenin” ballkanik, për të cilin u takuan pak ditë më parë, Kryeministri Edi Rama me presidentin serb, Aleksandër Vuçiç dhe kryeministrin e Maqedonisë së Veriut, Zoran Zaev.
Postimi i Tritan Shehut
Prej dje Medvedev është në Beograd ku midis shume marrëveshjeve konfirmohet edhe firmosja nga Serbia me 25 tetor në Moskë e Traktatit me atë Union.
Megjithëse firmosja e atij Traktati nuk është pritur mirë nga ShBA si dhe nga Brukseli për papajtueshmëri me anëtarësimin ne BE dhe dëmtim te integrimit evropian të Rajonit, Serbia nuk tërhiqet nga rruga drejt Moskës.
Nderkaq me pare Rama ka firmosur ne Serbi vetëm me Vuçiç e Zaev e pa asnjë prezence te Brukselit, nje dokument komprometues për një “Shengen” ballkanik, alias “Jugosllavia e Re”.
Tashme firmosja nga Beogradi e Traktatit me Unionin e Putinit, i ngjashem ky ne terma me “Shengenin” Rama-Vuçiç, bën qe dhe ky i fundit me firmetarët e tij të lidhet direkt apo indirekt me Rusinë, duke tentuar të shtyjnë Shqipërinë e Rajonin drejt Lindjes nëpërmjet Serbisë.
Te tilla politika të jashtme e Rajonale ne kundërshtim me interesat tona jetike, evropiane e Perëndimore, duhen ndalur.
