Një video e publikuar në YouTube ku grimieri dhe modeli shqiptar, Dario Doka shfaqte haptazi orientimin e tij seksual, bëri mjaft bujë në mediat rozë.
“Jam gay”, shprehej i riu në videon e publikuar në kanalin e tij në YouTube.Së fundmi, ai ka qenë i ftuar në emisionin “Pop Culture” në Top Channel”, ku foli për karrierën e tij si grimier dhe për homoseksualitetin e tij. Ai tregoi se i pëlqejnë meshkujt dhe u shpreh i vendosur se do të bëhet me fëmijë.
Dario u shpreh:
”Unë jam mashkull dhe më pëlqejnë meshkujt. S’mund të ndryshoj! Askush nuk mund të vendosë nëse duhet të kem a jo, vetëm Zoti e vendos këtë. Fakti që jam gay nuk të bën të mos kesh fëmijë. Do bëhem me fëmijë dhe pikë!”
Veç kësaj, grimieri tregoi në emision se është mbështetur nga nëna e tij, e cila i ka qëndruar mjaft pranë. Megjithatë, ai tregoi se nuk ka asnjë kontakt me babain e tij prej vitesh për këtë arsye.
