Presidenti i Francës, Emanuel Makron deklaroi nga Brukseli se Shqipëria nuk ka bërë progresin e duhur për hapjen e negociatave.
Duke folur për zgjerimin dhe çështjen e hapjes së negociatave të BE-së me Shqipërinë dhe Maqedoninë e Veriut, Makron deklaroi në një konferemcë për mediat se, “E pranojnë që është bërë progres”, por shtoi se “progresi i duhur s’është ende”.
“Ka situata ta pakontrolluara, ka probleme me integrimin”, nënvizoi. “Diskutimi ishte i dobishëm mbi të gjitha për të ardhmen e BE-së”, tha Makron. “Na duhet një tjetër proces zgjerimi, besueshmëri, strategji”, u shpreh Makron.
Makron, duke iu përgjigjur interesimit të gazetarëve, evidentoi edhe problemin me numrin e lartë të azilkërkuesve.
“S’është vetëm me Shqipërinë çështja e emigrimit, e kanë disa vende. Janë vende të cilat që duhen rregulluar. Ka disa kushte që nuk plotësohen. Duhet gjetur zgjidhja e duhur që është në lidhje me principet tona. Kjo është një çështje për Shqipërinë që duhet të zgjidhet po s’është arsyeja kryesore për qëndrimin e Francës”, tha Makorn.
Ka pasur disa vende që ishin kundër hapjes së negociatave, shtoi.
