Këshilli Evropian është mbledhur në Bruksel ku tema kryesore diskutimi janë Brexit, Turqia dhe negociatat me Shqipërinë dhe Maqedoninë e Veriut.
Presidentja e zgjedhur e Komisionit Evropian, Urusula von der Leyen tha se është zhgënjyese dhe ndjen keqardhje për shtyrjen e zgjerimit të BE-së.
Sipas der Leyen sot nuk ka shenja që të këtë vendim për zgjerimin e BE-së.
Një ditë më parë Presidenti francez, Emmanuel Macron, e bëri të qartë qëndrimin e vendit të tij, kundër hapjes së negociatave me dy vendet e Ballkanit Perëndimor, pavarësisht se Kryeministrat e dy vendeve, Edi Rama dhe Zoran Zaev, pretendojnë për përmbushjen e kushteve dhe detyrave.
Gjithsesi në rastin e Shqipërisë Macron deklaroi se problemi për vendin e tij janë azilkërkuesit nga Shqipëria. Macron tha se Shqipërisë iu liberalizuan vizat pa iu hapur negociatat, ndërsa tha “e si mund t’ua shpjegojë une francezëve që shqiptarët janë të dytët në kërkesat për azil”.
