“Nëse nuk bëni detyrat, ju çoj në dhomë gazi”. Janë këto fjalët e një mësueseje të një shkolle fillore angleze në Hertfordshire, të Radlett, në Newberries Primary School.
Një frazë e cila fëmijëve me origjinë hebreje nuk iu pëlqeu aspak dhe kur një nxënës 10 vjeçar reagoi, ajo i ngriti sërish tonet.
Mësuesja iu lut fëmijëve që të mos ia thoshin askujt atë që kishte dëgjuar, por nxënësit nuk heshtën, duke bërë që gruaja të pushohet nga puna.
Shprehja e gruas rezultoi edhe më e rëndë, pasi 11 nga 28 nxënësit e saj ishin hebrenj.
Mësuesit kërkuan pushimin nga puna të mësueses dhe instituti mori masa, duke e cilësuar si diçka shumë të rëndë. Ankesa e prindërve të fëmijëve, bënë që gruaja të shkarkohet nga puna.
