Analisti Ben Andoni tha mbrëmjen e sotme në emisionin “Arena” se shqiptarët po përdoren për Reformën në Drejtësi.
Andoni tha se standardi që kërkohet është i jashtëzakonshëm dhe ky standard nuk arrihet dot as në vendet me nivel demokracie të konsoliduar.
“Në këtë rast me Reformën në Drejtësi, më vjen keq ta them, por shqiptarët po përdoren pak. Po përdoren sepse ai standardi është i jashtëzakonshëm, ai standard që kam përshtypjen se edhe në vende me nivele demokracie të konsoliduar nuk arrihet dot. Mendoj që në fillim ato 140 kartonët kanë qenë problematikë. Kanë qenë në presion të madh.
Në këtë standard është e pamundur të ngresh institucione. Ti mund ti ngresh institucionet pas një viti, por njerëzit që do penetrojnë nuk do kenë asistencën, përgatitjen e duhur dhe garancitë”, tha Andoni.
Sipas tij, shqiptarët vazhdojnë të shikohen si qytetarë të dorës së dytë, nuk thuhet sepse de jure, po ta thuash merr konotacion ndryshe, por shqiptarët vazhdimisht shikohen si qytetarë të dorës së dytë, dhe kur ky problem shkon dhe artikulohet në formë të moderuar edhe nga qarqe të larta, atëherë është vërtetë problem.
