Një varkë ka shpërthyer në flakë ku brenda saj kanë qenë tre pushues të cilët janë jashtë rrezikut për jetën pasi u hodhën në det.
Ngjarja ka ndodhur paraditen e sotme në zonën e njohur Potam në Himarë ku varka përdorej për shëtitjen e pushuesve në det.
Gazetari i “Panoramës”, raporton se varka ishte nisur nga bregu me 3 pushues brenda.
Në mes të detit varka është fikur dhe të zotët kanë tentuar ta ndezin, në këtë kohë, varka ka shpërthyer në flakë. Pushuesit janë hedhur në det. Dy mjete të tjera janë nisur dhe i kanë nxjerrë pushuesit nga uji, ndërkohë që dy personat e barkës janë
hedhur të fundit. Pronari ka thënë se sapo e kishte furnizuar dhe ajo ishte plot me benzinë.
