Një i dënuar ka mbetur i plagosur rëndë si pasojë e një sherri të ndodhur në burgun e Rrogozhinës.
Nga të dhënat mësohet se në konfilit u përfshinë 6-7 persona, ndërsa sherri ndodhi në palestrën e burgut.
Raportohet se i dënuari Endrit Goga, 23 vjeç, ka nisur sherrin, ku janë përfshirë edhe disa të dënuar të tjerë, por i lënduar rëndë ka mbetur një i dënuar, Bajram Myftaraj, i cili është transportuar menjëherë për në spitalin e Traumës në Tiranë.
Mësohet se Myftaraj ishte duke vuajtur dënimin në burgun e Rrogozhinës për trafik droge në Portin e Durrësit. Ai është arrestuar më datë 12 nëntor 2016.
Sakaq ende nuk ka një informacion zyrtar nga policia për të sqaruar lidhur me shkaqet e këtij konflikti, i cili mësohet se ka nisur në ambientet e palestrës së burgut.
Autori i cili ka lënë të plagosur Bajramin, është dënuar në vitin 2015, pasi kishte kryer katër vjedhje, nën kërcënimin e armës.
Njoftimi i policisë në 2015:
Specialistët për Krimet e Rënda në Drejtorinë Vendore të Policisë Elbasan, gjatë ditës së djeshme, në bashkëpunim me Policinë Kufitare Morinë, bënë kapjen dhe ndalimin e shtetasit Endrit Goga, 19 vjeç, banues në Cërrik.
Ai u ndalua nga efektivat e policisë, pasi ka vjedhur me dhunë, karburantin në Fshatin Trojas – Belsh, në pronësi të shtetasit L.P, kryer në bashkëpunim me dy shtetasit e arrestuar në parë.
Materialet iu kaluan Prokurorisë së Rrethit Gjyqësor Elbasan për veprime të mëtejshme për veprën penale “Vjedhja me dhunë, kryer në bashkëpunim”.