Në nuk jemi në gjendje të gjejmë një marrëveshje, nuk është një moment lavdie për ne, mbetemi të përkushtuar për këtë proces, angazhimi i Komisionit Europian është shumë i fortë, por tani po flitet për ndryshim të metodologjisë dhe kjo është një një gjë që ndryshon ndjesitë e asaj që po bëhet.
Kështu u shpreh Komisioneri në ikje për Zgjerimin, Johannes Hahn, në përfundim të takimit të ministrave të Jashtëm të vendeve të BE-së, i cili po zhvillohet në Luksemburg.
Ndërkohë, ministrja e Jashtme e Finlandës, Tytti Tuppurainen, tha se një vend është krejtësisht kundër hapjes së negociatave.
“Në fillim patëm një draft për një Po për hapjen e negociatave, por më pas gjërat ndryshuan.
S’kemi arritur të marrim unanimitet në vendimarrje. Do të doja që të kujtoja çfarë tha zoti Hahn që do mbetemi entuziast dhe jam optimist se Këshilli mund japë një vendim pozitiv për Shqipërinë dhe Maqedoninë e Veriut”, tha ajo.
Tytti Tuppurainen tha se qytetarët në Shqipëri dhe Maqedoninë e Veriut presin hapjen e negociatave, ndaj është koha që BE të përgjigjet, të bëjmë detyrën tonë.
Komisioneri në largim për Zgjerimin, duke iu përgjigjur pyetjeve të gazetarëve, tha se kam besim te liderët e BE-së se do shohin panoramën e plotë dhe do japin një zgjidhje që të përmbushë pritshmëritë e dy vendeve dhe qytetarëve të tyre.
“Unë kam qenë mjaft i angazhuar në 5 vitet e mia, e kam treguar këtë gjë, s’mund të thuhet makimumi i suksesit, por unë kam bërë maksimumin tim. E di se dhe qytetarët në Maqedoni janë të zhgënjyer dhe ne jemi përgjegjës për këtë, se duhet të jemi në gjendje ti mbështesim. 25 vende jemi pro, kjo panoramë ka qenë edhe qershorin e kaluar”, tha Hahn.
Në vijim ato theksuan se janë besimplotë që ndërsa përplasen interesat e ndryshme brenda BE-së, të gjendet një rrugë, një sinjal për hapjen e negociatave.
Hahn tha se nuk përjashton që një vendimmarrje politike të krijojë efekte negative në Shqipëri dhe Maqedoninë e Veriut.
