Ish-deputeti demokrat, Luçiano Boçi, thotë se nuk është bërë asnjë investim në infrastrukturën e Universiteteve prej 7 vitesh.
I ftuar në RTV Ora, Boçi tha se këtë vit akademik studentët e vitit të parë të Fakultetit të Juridikut po zhvillojnë mësim në shkolla 9-vjeçare.
Luçiano Boçi: Më erdhi në mesazh, studentët e vitit të parë të Fakultetit të Juridikut kanë bërë mësim në ambjentet e shkollave 9-vjeçare. Çfarë drame emicionale është për një student që ëndërron që do të vazhdojë në sistemin e drejtësisë dhe të ulet në një auditor 9 vjeçar. Kjo ka ndodhur se nuk ka investime infrastrukturore prej 7 vitesh në Universitete. Sikurse nuk ka investime në punën kërkimore shkencore, në mbështetjen e studentëve.
Është e çuditshme, të gjitha Universitetet dhe Fakultetet që janë të kërkuara kapen gabil në momentin sapo fillon viti akademik.Duhet të ishin zgjidhur, por nuk ka vëmendje nga qeveria.Universitetet kanë pësuar atak në mënyrën si i përballuan tarifat sepse qeveria nuk ka ofruar mbështetje dhe nuk kanë aftësi financiare të menaxhojnë fluksin e ardhjes së studentëve pasi dhe numri i studentëve kërkohet dhe realizohet jo në bazë të kritereve të akredimit. Është një luftë e ashpër në tregun e parregulluar të dijes që është treg klientele, të rrëmbejnë sa më shumë studentë.
