Dhjetra automjete policie kanë rrethuar zonën e Unazës së Re, rreth 30 minuta përpara se banorë të zonës të nisin protestat në mbrojtje të pronave të tyre që rrezikohen të shemben nga zgjerimi i rrugës.
Përveç forcave të policisë së Komisariatit nr 6 që mbulon zonën, janë angazhuar edhe forcat Shqiponja, por edhe agjentë civilë të policisë.
Gjatë ditëve të fundit policia ka shoqëruar disa prej banorëve të Unazës së Re, por edhe ish-deputeti Klevis Balliu.
Fotot e mëposhtme tregojnë angazhimin e madh të forcave të policisë, që duket se do të vazhdojnë ritualin për ndalimin e banorëve që protestojnë.
