Pas arrestimit dje të 10 protestuesve të “Unazës së Re” në kryqytet, pasi akuzohen se bllokuan rrugën tek Unaza e Re, banorët e ‘Unazës’ bëjnë lëvizjen e radhës.
Një grup banorësh kanë shkuar sot në Komisariatin nr.6 në Tiranë, ku kanë dorëzuar njoftimin për protestën e radhës.
“Njoftimi është për protesta deri në 30 nëntor. Pastaj do të bëjmë një tjetër njoftim. Nuk kërkojmë leje, sepse të drejtën për të protestuar na e garanton Kushtetuta. Nuk tërhiqemi edhe nëse na arrestojnë të gjithëve”, -tha një banore e “Unazës” për mediat.
