Ish-deputeti i LSI-së, Përparim Spahiu a reaguar pas gjestit të pahijshëm të ambasadorit të OSBE-së në vendin tonë, mbrëmjen e djeshme.
“Borchard gabove dje, nuk të mbajtën nervat. Që ke qënë i njëanshëm, që e meritoje të shkruarën Shame on Ju, un kam qënë i bindur prej kohësh, por kjo nuk kushtëzonte qëndrimin tënd në Shqipëri, fundja, nuk të zgjedhim ne. Por, që të vazhdosh, nga mbrëmë, dhe të bredhësh rrugëve të Tiranës (si ambasador pasi si qytetar i thjeshtë bëj ç’të duash) un nuk ta pranoj më. Turp të kesh!”, shkruan Spahiu në një postim në Facebook.
Më herët, në një reagim në të njëjtin rrjet social, nënkryetari i LSI-së, Petrit Vasili kërkoi largimin nga Shqipëria të Borchard për shkak të gjestit të ambasadorit.
Mbrëmjen e djeshme, banorë të “Unazës së Re” protestuan te Drejtoria e Policisë së kryeqytetit, kundër arrestimeve që kreu policia fill pas protestës së tyre në zonën e Unazës. Në një moment, pranë disa banorëve kalon Borchard i shoqëruar nga një zonjë. Nga ajo ç’ka është publikuar në media, dëgjohen protestues të thërrasin “Rama ik”. Borchard i përgjigjet duke ngritur gishtin e mesit.
