Kreu i opozitës, Lulzim Basha, ka reaguar ashpër pas arrestimeve të bëra mbrëmjen e stome nga policia të banorëve të Astirit dhe ish-deputeti Balliu, të cilët protestuan kundër projektit korruptiv të qeverisë.
Përmes një postimi në Facebook, Basha thekson se Rama i tregoi edhe njëherë Europës se për të liria dhe demokracia nuk kanë asnjë vlerë.
Më tej Basha thekson se shqiptarët dhe oozita nuk do ta lejojnë Ramën të marri peng vendin.
Ja postimi i Bashës:
Kjo është javë vendimtare për të ardhmen e Shqipërisë, kur do të vendoset nëse do të shkojmë përpara drejt Europës apo do të mbetemi ngecur në marshin indietro. Regjimi i Ramës vendosi ta tregojë sa i përkushtuar është ndaj vlerave Europiane të lirisë së shprehjes dhe sundimit të ligjit, duke arrestuar dhunshëm protestues paqësorë. Nëse lajmet nga Brukseli janë negative, askush mos ta vërë në dyshim, ngjarje si kjo e sotmja janë shkaku. Por ne nuk do ti lejojmë të na mbyllin gojën e të na mbajnë peng, beteja do të vazhdojë pareshtur drejt destinit tonë: Shqipërisë së zhvilluar, të lirë dhe Europiane!
