Japonia ka mobilizuar dhjetëra mijëra trupa ushtarake dhe grupe shpejtuesish pasi u godit nga një ndër stuhitë më të forta ndër vite, duke lënë të vdekur të paktën 23 persona.
27 mijë trupa ushtarake dhe të tjera ekuipazhe shpëtimi kanë dalë në terren për të lehtësuar situatën, bëjnë të ditur autoritetet vendase.
Ndërkohë, kryeministri Japonez Shinzo Abe, siguroi që qeveria do të bëjë maksimumin, duke premtuar të shtojë trupat ushtarake në qoftë se do të ishte e nevojshme.
Sipas raportimeve të mediave lokale, stuhia ditën e sotme ka ulur intensitetin e saj dhe është zhvendosur drejt paqësorit të veriut dhe se dëmet përfundimtare priten të zbulohen.
