Polemika kanë shpërthyer dje, fill pasi Cengiz Under publikoi një foto në Twitter, ku shfaqet me bluzën e ekipit ku luan duke ekzekutuar përshëndetjen ushtarake dhe tre flamujt e Turqisë së tij. “Cicërima” që vjen pas përfundimit të ndeshjes me Shqipërinë, që Turqia e fitoi me rezultatin minimal 1-0, ka shkaktuar rebelim te ndjekësit.
Statusi i Cengiz vjen në një kohë kur trupat ushtarake turke po përparojnë në veri të Sirisë, në një aksion kundër kurdëve, duke lënë pas shumë të vrarë. Statusi me përshëndetje ushtarake mendohet si një mbështetje ndaj aksionit ushtarak dhe për këtë ndjekësit kanë kryqëzuar Cengiz. “Turp për ty”, “Hiqe fanelën, mos u tall me të”, “Këtu vrasësit nuk pranohen”, ishin disa nga komentet e fansave kundër postimit të Cengiz. Dhe shumë madje kanë kërkuar na klubi i Romës përjashtimin nga skuadra të Cengiz. Klubi kryeqytetas nga ana tjetër, nuk ka komentuar.
Akuza dhe pakënaqësi ka pasur edhe ndaj gjithë ekipit turk, që pas golit me Shqipërinë, festuan me përshëndetje ushtarake. /Boldnews.al/
