Një ditë pas ndarjes së çmimit Nobel në Letërsi, që shkoi për Peter Handke, i cili njihet si një mbështetës i Millosheviç, ka ardhur një reagim i ashpër nga Lulzim Basha.
Përmes një statusi në rrjetin social Facebook, kreu i PD-së, Lulzim Basha shprehet se kur shikon që Nobeli shkon për një njeri që mbrojti dhe justifikoi autorin e tmerreve është e tmerrshme.
“20 vjet më parë kam shërbyer në ekipin e ICTY të KB që akuzoi Milloshevicin për krime lufte dhe genocid. Të shohësh çmimin Nobel të shkosh tek dikush që mbrojti dhe justifikoi autorin e tmerreve më të mëdhenj në Evropë pas Holokaustit, është shokuese dhe e tmerrshme. Ditë e trishtuar për vlerat tona”, shkruan Basha.
Akademia prestigjioze e çmimeve Nobel ka ndarë çmimet Nobel në Letërsi për vitin 2018 dhe vitin 2019. Shkrimtari shqiptar, Ismail Kadare, i nominuar për të disatën herë, sërish s’ka mundur të fitojë. Çmimi Nobel për dy vitet iu është dhënë dy lauretëve, Olga Tokarczuk dhe Peter Handke.
‘Këtë vit u dhanë dy çmime “Nobel” në letërsi, për të kompensuar çmimin e vitit 2018. Nobeli vitin e kaluar nuk u dha, për here të parë që nga viti 1949, për shkak se Akademia Suedeze, institucioni më i rëndësishëm që zgjedh fituesin u përfshi në një skandal të pahijshëm seksual’.
