Organizatorët e çmimit të madh Japonez në Formula 1, kanë anuluar të gjitha sesionet stërvitore dhe ato kualifikuese të programuar për ditën e shtunë, për shkak të afrimit të tajfunit “Hagibis”.
E programuar për tu zhvilluar në orën 15:00 të pasdites me orën lokale, sesioni i kualifikueseve që përcakton radhën e nisjes për garën, do të zhvillohet të dielën në 10 të mëngjesit po në orën lokale. – tregoi një njoftim i rishikuar i nxjerrë nga organizatorët e garës.
Sesioni stërvitor, që zakonisht zhvillohet përpara kualifikueseve, nuk do të zhvillohet.
Ndërsa gara do të fillojë siç parashikohej në orën 14:10 në orën lokale dhe në 07:10 me orën tonë.
