Policia e Durrësit ka vënë në pranga tre persona gjatë orëve të fundit të shpallur në kërkim kombëtar për vepra të ndryshme penale.
Strukturat e Drejtorisë Vendore të Policisë Durrës në zbatim të planit për kapjen e personave në kërkim dhe vënien e tyre para përgjegjësisë ligjore gjatë 24 orëve të fundit kanë ndaluar tre shtetas për vepra të ndryshme penale, konkretisht:
K.B., 28 vjeç, banues në Durrës, pasi Gjykata e Shkallës së Parë Durrës e ka dënuar me një vit burg për veprën penale “Kontrabandë me mallra të tjerë”.
P.D., 36 vjeç, banues në Durrës, pasi në ngarkim të tij Prokuroria e Rrethit Gjyqësor Durrës ka nxjerrë urdhrin e ndalimit për veprën penale “Dhunë në familje”.
A.S., 37 vjeç, banues në Durrës, pasi në ngarkim të tij Gjykata e Shkallës së Parë Krujë ka caktuar masën “Arrest me burg” për veprën penale “Kultivimi i bimëve narkotike” e kryer në bashkëpunim.
Edhe në ditët në vijim në mënyrë të pandërprerë Strukturat e Drejtorisë Vendore të Policisë Durrës do vijojnë punën për kapjen e personave që cenojnë rendin dhe sigurinë publike me qëllim rritjen e parametrave të sigurisë së qytetarëve.
