Tre shtetas shqiptarë janë arrestuar nga policia zvicerane, e cila sekuestroi 12 kg kokainë të pastër me vlerë 3 milionë euro.
Shqiptarët e arrestuar janë të moshës 23, 29 e 39 vjeç. Një prej të arrestuarve ishte banues në Foggia dhe dy të tjerët rezident në Piza, Itali.
Ndalimi i shqiptarëve u bë në daljen e autostradës A22 që lidh Italinë me Zvicerën në afërsi të komunës Vipiteno.
Shqiptarët udhëtonin me dy automjetet të ndryshme. Në automjetin ku udhëtonte 23-vjeçari, policia gjeti 9 pako me kokainë, të cilat ishin fshehur në një fund të dyfishtë të modifikuar enkas në makinë.
Në automjetin e dytë, ku ndodheshin 29 dhe 39-vjeçari u gjet një tjetër pako me kokainë.
Kokaina e sekuestruar në të dy automjetet është e të njëjtës cilësi. Dyshohet se kokaina trafikohej nga Hollanda. Tre shqiptarët ndodhen në burgun e Bolzanos.
Ata rrezikojnë nga 8 deri në 20 vite burg. Të arrestuarit kanë refuzuar t’u përgjigjen pyetjeve të prokurorëve.
