Një sasi prej 116 kilogramë marijuanë është kapur në kufirin greko-shqiptar, raportuan këtë të mërkurë mediat greke.
Operacioni është zhvilluar në Grevena, ku policia greke ka ndaluar dy automjete.
Në njërin prej automjeteve u sekuestruan 36 pako me 116 kg 100 gram marijuanë, ndërsa mjeti i dytë shërbente për kontrollin e rrugës.
Në pranga u vunë 3 grekë, 34, 36 dhe 51-vjeç. Gjate kontrolleve në makina dhe në banesat e të dyshuarve, u gjetën edhe 285 gram marijuanë, 1 peshore, 1 thikë, 6 celulare dhe 260 euro.
Prej fillimit te vitit policia greke ka sekuestruar kryesisht pranë kufirit, por edhe ne zona të tjera, mbi 9 ton marijuanë që dyshohet se vinte nga Shqipëria.
