Policia e Vlorës ka përfunduar operacionin antidrogë “PlayStation” ku ka vënë në pranga shtetasin M. V., 41 vjeç.
Policia kishte marrë informacione tëë marra në rrugë operative se ky shtetas shpërndante lëndë narkotike në qytet, kryesisht në afërsi të shkollave dhe qendrave të internetit.
41-vjeçari u arrestua në një rrugicë në lagjen “Partizani” ku paskontrollit personal dhe kontrollit të ushtruar në banesën e tij, iu gjetën 56 doza me lëndë narkotike të dyshuara kanabis, njofton Policia.
Gjithashtu, në distancë të afërt, shërbimet kapën dhe shtetasin R. Xh, 23 vjeç, ku pas kontrollit personal iu gjet një dozë kanabisi, e cila dyshohet të jetë shitur nga shtetasi M. V. Ky shtetas u procedua penalisht në gjendje të lirë.
Materialet iu referuan Prokurorisë për veprën penale “Prodhimi dhe shitja e narkotikëve”.
