Kryebashkiaku i Tiranës nga mbledhja e Këshillit Bashkiak, u shpreh se Partia Demokratike që sot proteston dikur i futi mespërmes autostradën Kopshtit.
“Në këtë qytet jemi ndarë shumë qartë. Janë disa që e çojnë punën deri në fund, dhe ca të tjerë që nuk nxjerrin dot qimen nga qulli. Kjo PD që proteston sot i futi autostradën mes përmes kopshtit Botanik. PD i ka vjedhë një copë Kopshtit. Fuqia më e madhe që transformon në një qytet është bashkia. Po të ishte për partinë e Lulit dhe Monës si ishte gjysma e dytë e liqenit. Shikoni e kanë pa ata të gjithë zonën e Farkës, këta doktorët e plagjiaturave që sot janë drejtorë, sot dalin si mbrojtës. Kush hajdutët e parë. Një parti që mori liqenin dhe një parti tjetër që futi autostradën mes për mes”, tha Veliaj.
