Kombet e bashkuara po operojnë me një deficit prej 230 milion dollarësh dhe mund të ngelë pa para duke filluar nga fundi i këtij muaji, tha sot sekretari i përgjithshëm Antonio Guterres.
Në një letër adresuar 37 mijë punonjësve, në sekretariatin e Kombeve të Bashkuara, e siguruar nga agjencia e lajmeve AFP, Guterres tha që masa të nevojshme duhen të merren për tu siguruar që rrogat dhe të drejtat të paguhen.
“Shtetet anëtare kanë paguar vetëm 70% të shumës të nevojshme totale, për operimet buxhetore të zakonshme në 2019.
Kjo përkthehet në një shkurtim të buxhetit prej 230 milion dollarëve në fund të muajit. Gjithashtu, rrezikohet që të shuhen dhe asetet rezervë po në fund të muajit”, shkroi ai.
Shtyrjet e konferencave, reduktimi i shërbimeve dhe limitimi i udhëtimeve janë disa nga masat e nevojshme për të reduktuar shpenzimet, tha Guterres.
