Seanca e ditës së sotme në Kuvend nisi me një shpërthim të deputetit konservator, Kujtim Gjuzi i cili kërkoi replikë me kryeministrin Rama i cili javën e kaluar e kishte ironizuar.
Gjuzi paralajmëroi kryeparlamentarin Gramoz Ruçi se nuk duhej të mohonte të drejtën e replikës ndaj deputetëve të cilët iu përmendet emri gjatë diskutimeve, duke thënë se në të kundërt do të ketë incidente.
Gjuzi kërkoi nga Ruçi të bënte ndjesë publike.
“Mos më ndërprisni fjalën, se pastaj do ta marrim me zor dhe pastaj mund të ndodhin incidente. Këtu na keni sjellë ju, por ata të cilët sot nuk kanë të drejtën e votës. Kur me përmendet emri kam të drejtën të bëj replikë dhe ju nuk ma ndaloni këtë”. Ju duhet të kërkoni ndjesë, tha Gjuzi.
Ndërsa Ruçi i është përgjigjur se ka zbatuar vetëm rregulloren, duke e ftur deputetin ta lexojë atë ndërsa paralajmëroi se çdo shkelje e saj do të ndëshkohet.
