Analisti politik, Rrahman Paçarizi, ka thënë se nga këto zgjedhje më shumë është rritur LDK-ja.
Sipas tij kjo ka ndodhur për shkak të nominimit të Vjosa Osmanit për kryeministre, njofton Klan Kosova.
“Dallimi duket që është shumë i madh mes vendeve të para dhe të tretë. Por nëse i krahasojmë me ato të vitit 2017 shohim që LDK është rritur për 5 për qind e që është trend i pritur për shkak të nominimit të Vjosa Osmanit”.
“Nuk ka lëvizje të tjera. Koalicioni PAN në zgjedhjet e 2017-ës ka marrë 34 për qind dhe tash nëse i shohim rezultatet e PDK-së, AKR-së dhe Nisma-s na del prapë i njëjti rezultat dhe pothuajse e njëjta renditje VV, LDK dhe koalicioni PAN nëse i kishim bërë bashkë”.
“Nuk janë rezultate për t’u befasuar nuk janë dallime shumë të mëdha. Por PAN i ndarë nuk do të ndëshkohet sikurse ka ndodhur herët e kaluara për shkak të koalicionit”.
“Fituesi më i madh i këtyre zgjedhjeve është LDK për shkak të rritjes së madhe. VV ka shënuar një rritje të vogël prej 2.2 për qind, ndërsa partitë tjera janë njësoj”.
Rezultatet Live:
https://rezultatet2019.org/Results.aspx?RaceID=1&UnitID=1&IsPS=0&Turnout=0&LangID=2
