Nga Klodian Tomorri
Kalifi thirri bamirësit dhe u tha:
Jemi në situatë të vështirë. Populli është inatosur me ne dhe po shkon drejt revoltës. Për të zbutur situatën kemi menduar që të vendosim një taksë solidare 2 për qind mbi fitimet individuale, e cila do të paguhet vetëm nga ju, shtresa më e pasur.
Juve e keni fituar me meritë dhe punë të ndershme pasurinë tuaj. Por duhet të paguani zekat, sepse të varfrit janë inatosur dhe ka rrezik që të shpërthejnë në revoltë.
Kemi menduar që zekati të administrohet nga vetë ju. Mundësisht fondet të kalojnë përmes bankës së ndonjërit prej jush. Kjo është shumë e rëndësishme sepse ju i përdorni me efektivitet.
Pagesa e kësaj takse, përveçse do të zbusë revoltën popullore, do të lehtësojë varfërinë do ju pastrojë edhe nga gjynahet.
Në fakt ju nuk keni mëkate se të gjithë pasurinë tuaj e keni fituar me ndershmëri. Por ju lutem paguajeni që të varfrit mos t’ju djegin shtëpitë.
