Janë mbyllur pjesët e para të tre ndeshjeve të vlefshme për javën e shtatë të Kategorisë Superiore, në Tiranë, Vlorë dhe Korçë.
Në ndeshjen më të rëndësishme të kësaj jave Partizani-Teuta, janë durrsakët që kaluan të parët në avantazh me anë të Avdylit në minutën e 38, por në minutat shtesë të fraksionit të parë të lojës do të vinte goli i Trashit për të vendosur baraspeshën.
Në minutën e 36′ Partizani mbeti me 10 lojtarë pasi Romero ndëshkohet me kartonin e dytë të verdhë, për një faull në mesfushë ndaj Avdylit.
Tirana është duke fituar në Vlorë me rezultatin 1-2 me një dopietë të Hasanit në minutën e ‘4 dhe ’38. Ndërsa vlonjatët barazuan provizorisht me anë të një autogoli nga Ngo në minutën e ’13.
Në ndeshjen tjetër mes Skënderbeut dhe Luftëtarit ky fraksion i parë i lojës është mbyllur në barazim pa gola.
