Kryeministri Edi Rama u shfaq mbrëmjen e së enjtes në emisionin “Real Story” i parruar, çka ka tërhequr vëmendjen dhe është kthyer në objekt humori në rrjetet sociale.
Dy ditë më parë Rama u shfaq në një tjetër emision me tuta sporti, ndërsa fliste për çështje të rëndësishme, veçanërisht ato lidhur me hapjen e negociatave.
Atletet, çitjanet, tutat, dhe së fundmi mjekra e parruar, kanë shkaktuar reagime të shumta, disa edhe në formën e humorit.
Gazetari Ylli Dylgjeri ka postuar në rrjet dy foto, në njërën prej të cilave është Rama me një mjekër të gjatë, ndërsa shoqërohet me komentin:
“Performanca e fundit e mjekrës së z.Edi Rama pritet të jetë një çerdhe kanarinash…”.
