Konstitucionalisti Sokol Hazizaj, ish-deputet i PS-së, u shpreh mbrëmjen e sotme se Komisioni i Venecias nuk e ka marrë parasysh situatën ku ndodhej Shqipëria, kur ka dhënë opinionin që Presidenti Ilir Meta tejkaloi kompetencat.
Në studion e Report TV, Hazizaj tha se Komisioni i Venecias nuk duhej t’i shmangej situatës ku ndodhej Shqipëria.
“Ai komision nuk varet nga ne prandaj duhet të jemi të kujdesshëm, është organ këshillimor.
Mund të përbëjë pozitivitet, por edhe negativitet në vendet e tjera, për shkak të negativitetit në Shqipëri.
Në pikëpamje formale thuhet se i takon të nxjerrë dekrete, e mira apo e keqja, kjo varet.
Kuvendi ka ngatërruar, formalisht Presidenti e ka të drejtën për një dekret, por ata janë marrë me përmbajtjen.
Nuk është gabim i rëndë thotë Komisioni i Venecias, ndërsa në raport me përmbajtjen e ka tejkaluar”, shtoi ai.
