Kukësi u eliminua një ditë më parë nga Europa League, pasi u mposht edhe në ndeshjen e dytë nga Austria e Vjenës, por këtë herë me rezultatin e thellë 1-4 në “Elbasan Arena” dhe menjëherë presidenti Gjici nuk ka humbur kohë, duke ndryshuar trajnerin e ekipit.
Hasan Lika është larguar nga posti i trajnerit, të cilin e kishte marrë pas largimit të Klodian Duros, ndërsa tashmë Gjici ka vendosur edhe për trajneri e ri të ekipit. Ai do të jetë Ernest Gjokën, i cili më parë në Superiore ka drejtuar edhe ekipin e Flamurtarit.
Gjoka pati sukses në krye të vlonjatëve, duke arritur të fitojë edhe Kupën e Shqipërisë në finalen e zhvilluar pikërisht ndaj Kukësit, ku nga sot bëhet trajner. Gjithashtu, më parë ai ka drejtuar edhe ekipet e Apolonisë, Kamzës dhe Tomorit.
