Trajneri i Manchester United, Jose Mourinho po planifikon që sezonin e ardhshëm të huazojë mesfushorin shqiptar që luan me përfaqësuesen e Belgjikës, Adnan Januzaj.
Sipas ‘Daily mail’, talenti 21-vjeçar është ftuar në skuadrën e parë në turin përgatitor në Kinë, por pritet që në fund të afatit kalimtar të huazohet te ndonjë skuadër ku do të kishte në dispozicion më shumë minuta.
Së fundi ka pasur raportime të medieve angleze se Januzaj nuk do të preferonte një tjetër huazim, pas atij që i dështoi edicionin e kaluar te Dortmundi.
