Kryeministri Edi Rama deklaroi mbrëmjen e sotme se nuk mban përgjegjësi për askënd që shkel ligjin.
Mbrëmjen e sotme në “Real Story”, Rama tha se ka një vëlla, që ka jetën e tij, dhe nuk mban përgjegjësi për atë se çfarë mund të bëjë ai.
“Unë mbaj përgjegjësi morale për mënyrën sesi do të reagoj lidhur me një veprim të tij, pra nëse do të them se ka bërë gabim apo jo, por cilido që shkel rregullat dhe ligjet përballet vetë, mban përgjegjësi vetë për atë që ka bërë.
Nuk ka më përgjegjësi familjare apo partiake, secili mban përgjegjësi për veten e tij”, tha Rama.
