Deputeti Lefter Maliqi e ka cilësuar kanabizimin e vendit si dëshirë e mazhorancës në pushte. I ftuar në Ora News, Maliqi tha se shteti e lufton kur të dojë krimin, por sot politikanët janë pjesë e bandave.
‘Pasiguria dhe krimi i organizuar lidhen dhe me krizën e rëndë politike dhe ekonomike në vend. Unë kam qenë pjesë e policisë së shtetit nga vitet 96-2005. Por dua të them se problemet e drogës kanë qenë në Shqipëri, por unë dua të them se kur do qeveri bandat dhe kriminelët i vendos brenda muajit bandat në burg. Më kujtohet viti 2005, kur i ndjeri Sokol Olldashi, në kohën e PD ishte Ministër i brendshëm, i vendosi të gjitha bandat në burg. Unë them me bindje se 2013-ta dhe tani që jemi në 2019-të ka një rritje të trafiqeve dhe oligarkëve, dhe kjo vjen sepse mungon vullneti i qeverisë për të luftuar krimi, por dhe për shkak të lidhjeve të qeverisë me krimin. Nga 2013-ta dhe deri tani, shqiptarët kanë parë me zë dhe figurë deputetë të prangosur si vrasës dhe kriminelë, kryebashkiakë përdhunues dhe trafikantë po nga kjo mazhorancë. Ne themi të bëhet testi i drogës politik, por kur përdoruesit e drogës janë me pushtet, atëherë si do e luftosh krimin. Tani që po flasim në të gjithë Shqipërinë vazhdon mbjellja e drogës. Ne jemi të bindur që policia i merr të dhënat dhe i dinë të gjitha. Pse nuk ndodh vettingu në politikë, është sepse këta janë të lidhur të gjithë’, u shpreh Maliqi.
