Vasilika Vjero, e cila më 20 shtator, u emërua në krye të ARRSH-së, raportohet se ka dhënë dorëheqjen nga ky funksion.
Kështu dy javë pas marrjes së detyrës, Vjero, ka paraqitur dorëheqjen, nga institucioni, ku zëvendësoi Sonila Qaton.
Për postin e kreut të ARRSH-së, pas dorëheqjes së Qatos, ishin Vasilika Vjero dhe Mirlinda Karçanaj.
Vasilika Vjero ka qenë drejtoreshë e përgjithshme e tatimeve, por në marsin e vitit 2019 ajo është larguar nga kjo detyrë.
Ajo ka mbajtur edhe detyrën e drejtoreshës së Qendrës Kombëtare të Regjistrimit të Bizneseve si dhe atë të zëvendësministres së Ekonomisë dhe Financave.
