Maksim Malaj do të rikthehet në detyrën e Prefektit të Elbasanit.
Malaj, sot mban postin e Këshilltarit për Çështjet e Sigurisë pranë Kryeministrit Edi Rama, por nga dita e sotme ish-gjenerali është emëruar Prefekt i Elbasanit.
Në këtë detyrë ai zëvendëson Gledian Llatjan, i cili në 30 qershor mori postin e Kryebashkiakut.
Malaj ka mbajtur pozicionin e Prefektit në Elbasan, më pas i liroi vendin Llatjas, ndërsa Rama e emëroi këshilltar, në vend të Sandër Lleshajt, që u emërua ministër i Brendshëm.
Posti i Prefektit të Elbasanit prej qershorit është vakant, pasi Gentian Llatja dorëzoi detyrën pasi kandidonte për Rilindjen si kryebashkiak.
Gjeneral Maksim Malaj ka qenë Shef i Shtabit të Përgjithshëm të Forcave të Armatosura, për t’u emëruar më pas Shef i Qendrës Ndërinstitucionale Operacionale Detare (QNOD).
