Për të gjithë ata që aktualisht janë punësuar nga ‘i gjati dhe i shkurtri’ për të hapur profile falso dhe për të kometuar ‘pro dhe pa kushte’ çdo vendim që merr qeveria, me siguri që përpara se të njiheshin me emrin e ‘Shkëlqesisë së Tij’, janë njohur me imazhin e aktorit Neritan Liçaj. Ky i fundit pa asnjë profil në rrjetet sociale, pa propagandë dhe pa post, sëbashku me aktorë të tjerë u kthyen në ‘idhujt’ e rinisë së viteve ’99. Sot, pas 20 vitesh eksperiencë në teatër dhe kinematografi, duket se Tani do të përballet sërish me Kasandrën, at vërtetën, atë që flet por askush se beson, atë që shkëlqen, rrezatuesen që të vret pas shpine, me pushtetin e një politike që drejtohet nga një kryeministër artist që ka prej vitesh e ka luftuar dhe përdhosur artin dhe tani, ka hedhur helmin edhe mbi godinën e Teatrit Kombëtarë, edhe mbi aktorin Neritan Liçaj.
“Unë ti dhe Kasandra’ ka qenë padiskutim një sukses i kinematografisë shqiptare pas viteve ’90, por pak kush do ta merrte me mend se rreth 20 vite më vonë, Kasandra e Tanit dhe kolegëve të tij, do të rritej, modernizohej, lartësohej, do të sillte përfitime të majme madje do të përballej sërish edhe me Tanin.
Por, këtë herë Kasandra nuk kërkon as gjakun, as mishin dhe as venat e Tanit. Kasandra e pushtetit kërkon ‘heshtjen dhe bindjen ndaj saj’ sepse Tani ndryshe nga filmi nuk iu nënshtrua më. Mobindja nis me protestat, me luftën për mbrojtjen e godinës së Teatrit Kombëtarë e tani edhe me mbrojtjen e dinjitetit dhe punës së përditshme të çdo aktori dhe shqiptari që punon, kontribuon dhe paguan taksat ndaj KasandRamës.
Filmi i vërtetë fillon kështu, një aktor kërkon të mbrojë teatrin dhe një kryeministër e kërcënon me pushimin nga puna. Politika ama harron se arti s’ka nevojë as për tulla as për kulla; një herë e një kohë, gjërat më të bukura luheshin dhe shijoheshin në natyrë! /Bolnews.al/
