Hemwand Ali Hussain u gjet i vdekur në një shtëpi në Hartlepool më 15 Shtator. Babai i dy fëmijëve shërbeu si snajperist në forcat ushtarake kurde Peshmerge që luftuan në Irakun e Veriut kundër Isis. Ai ishte nga Kurdistani, por u transferua në Mbretërinë e Bashkuar disa vjet më parë.
Detektivët që po hetojnë vdekjen e 30-vjeçarit kanë publikuar fotografitë e tre personave për të cilët mendojnë që kenë informacione kyçe për vrasjen. Sipas policisë mendohet se ata janë shqiptarë dhe kanë qenë në zonë në kohën e vrasjes.
Personi i parë ishte një pasagjer në një Mercedes E Class. Ai është rreth 40-vjeç me flokë shumë të shkurtër.
Personi i dytë duket se është një djalë rreth 20-vjeç. Ai shfaqet i veshur me një bluze të bardhe me disa shiritë të errët.
Personi i tretë në foto është i veshur me një bluzë gri dhe atlete. Ai duket se është në fund të 20-ave ose në fillim të 30-tave.
Policia ka kërkuar ndihmë për identifikimin dhe gjetjen e personave në foto, teksa shton se kushdo që i sheh duhet ti lajmërojë menjëherë.
