A e ka shkelur Presidenti Ilir Meta Kushtetutën? Një panel analistësh debatuan në emisionin “Open” lidhur me raportin e Komisionit të Venecias lidhur me Presidentin Ilir Meta.
Baton haxhiu i njohur për qëndrimet pro Kryeministrit Edi Rama u shpreh se Komisioni i Venecias i dha të drejtë Kushtetutës, kushtetueshmërisë, Parlametit shqiptar për ta çuar deri në fund procedurën për shkarkimin e Presidentit Ilir Meta.
“Ilir Meta e ka shkelur edhe 5-6 herë të tjera Kushtetutën por mungesa e një Gjykate Kushtetuese nuk janë evidentuar por u evidentua shkelja për ç’dekretimin e 30 qershorit dhe u evidentua nga Komisioni i Venecias”, tha Haxhiu.
Analisti Andi Bushati tha se se nuk ka asnjë frazë nga Komisioni i Venecias se presidenti ka shkelur Kushtetutën.
“Por para se të dalin në analizën se e ka shkelur Kushtetutën apo jo Presidenti duhet të shtrojmë pyetjet se pse iu drejtuam ne Komisionit të Venecias.
Rama tha se këtë punë se bëjmë dot vetëm dhe do i drejtohemi Komisionit të Venecias. Po për çfarë iu drejtuam?”, tha Bushati
I menjëhershëm ka qenë reagimi i Baton Haxhiut.
“Bushat, je shumë i zgjuar për të bërë pyetje naie”, iu drejtua Haxhiu.
Sipas tij, ç’dekretimi i zgjedhjeve është shkëlja më e rëndë.
Në ndërhyrjen e tij, analisti Neritan Sejamini tha se aty nuk ka shkelje Kushtetute.
Sejami tha se Komisioni i Venecias në draft raportin e publikuar thotë se nuk ka shkelur Kushtetutën.
“Ka tejkaluar kompetencash por që shkelje kushtetute nuk e ke të shkruar askund”, tha Sejamini.
