Kryeministri Edi Rama gjatë pushimit të mbledhjes së Asamblesë së Partisë Socialiste ka shkëmbyer disa batuta me gazetarët.
Në ambjentet e restorant “Xibraku”, Rama ka thirrur kamarierin duke i thënë se kafet e operatorëve dhe gazetarëve i kishte ai.
“Çfarë kanë për të pirë dhe çfarë do të pinë gazetarët dhe operatorët, se lodhen gjithë ditën që na ndjekin, i ke nga unë. Përveç pijeve alkolike” – iu drejtua kamarierit, kryeministri Rama.
Nga ana tjetër gazetarët e kanë ironizuar këtë gjest të kryeministrit duke i thënë se do e bënin lajm nëse nuk e mban fjalën për t’i paguar kafet.
Por nuk mungoi reagimi i Ramës. “Unë edhe ju qeras dhe do më shani. Sikur kjo nuk shkon…”- iu përgjigj kryeministri me humor.
