Teksa po zhvillohej mbledhja e Asamblesë së Partisë Socialiste deputeti socialist Ben Blushi doli në një prononcim për media për të bërë publik qëndrimin e tij.
Blushi e cilësoi jo transparente faktin që fjalimi i kryeministrit Edi Rama ishte live në të gjitha televizionet ndërsa debatet dhe qëndrimet e tjera brenda partisë nuk u lejuan të transmetoheshin.
Duke folur për referendumin që propozoi Rama në Asamble, Blushi e cilësoi si një fars pasi sipas tij Edi Rama kërkon të garojë kundër Edi Ramës. Sipas deputetit socialist, referendumi nuk ofron zgjedhje për kryetarin e Partisë Socialiste.
“Referendumet si parim nuk bëhen për njerëz por për çështje. Cila është çështja që Rama kërkon të bëjë refernendum? Për të marrë mandat të përhershëm? Kjo është absurde. Kjo do të kthehet në një barcaletë. Nuk duhet të respektojmë një statut që është votuar ndërsa duhet të respektojmë një statut. Jam pro erferendumit nëse ky statut hidhet për referendum jam dakord. Por Rama duhet të thotë pyetjen. Cila është kjo: Ti jepet Edi Ramës mandat të përherhshëm? Të mos kete zgjedhje për kryetar? Është e parasyeshme , është marrëzia e një njeriu që do të shkojë në zgjedhje pa kandidat. Edi Rama kërkon të konkurojë përballë Edi Ramës.” – u shpreh Blushi.
Në fund të fjalës së tij, Blushi vlërsoi edhe qëndrimin e mbajtur nga deputetja socialiste Arta Dade.
“Një nga fjalimet më të bukura ishte i Arta Dades. Ishte diçka e ndjerë nga një ikonat e Partisë Socialiste. Pashë tek ajo një njeri të zhgënjyer.”– shtoi ai.
