Një tërmet i fuqishëm ka goditur Stambollin këtë të enjte, sipas qendrës së monitorimit të tërmetit të Turqisë. Presidenti i Turqisë, Recep Tayyip Erdogan, ka bërë të ditur se janë plagosur të paktën tetë persona.
Tërmeti ka qenë me magnitude 5.7 dhe ka goditur Detin e Marmarasë në oren 13:59:25 me oren lokale.
Sipas mediave turke si pasojë e tëmetit është shembur minareja e një xhamie dhe shumë ndërtesa të tjera. Autoritete vendase u bëjnë thirrje njerëzve që mos qëndrojnë në banesa për shkak të rrezikut.
Tërmeti, jashtë rrethit të Silivrit të Stambollit, ndodhi në një thellësi prej 11,9 kilometra (7.3 milje).
Të martën, një tërmet me madhësi 4,6 ballë goditi gjithashtu Silivrin, sipas Autoritetit të Turqisë për Menaxhimin e Fatkeqësive dhe Emergjencave (AFAD).
Lexo edhe:
Tërmet në Stamboll, 8 të lënduar
FOTO/ Pas tërmetit të fortë në Turqi, pamjet që shkaktuan panik te banorët
Pamje të rënda/ Tërmeti në Stamboll thyen edhe minaren e xhamisë (VIDEO)
Panik në Stamboll/ Tërmeti ‘shkund’ pallatet, qindra banorë në rrugë (VIDEO)
