“Lajme të mira nga #Shqipëria. Urime udhëheqësve politikë në Shqipëri për marrëveshjen mbi reformën në drejtësi”. Ky është urimi nga anëtari i Parlamentit Evropian Eduard Kukan i cili ka reaguar në Tëitter për lajmin e arritjes së konsensusit politik në Shqipëri dhe që ditën e nesërme do të miratohet në Kuvend drafti i reformës në drejtësi.
Ndërkombëtarët kanë pasur një rol jashtëzakonisht të madh në këtë proces. Të martën, në mbledhjen e Komitetit të Jashtëm të PE, Kukan dhe eurodeputetë të tjerë theksuan se Shqipërisë i rrezikohej rruga e integrimit evropian nëse nuk gjendej marrëveshja për miratimin në afat, të reformës në drejtësi.
