Edhe pse kohët e fundit është vënë në qendër të akuzave duke iu lakuar emri për një sërë aferash dhe shkeljesh të publikuara jo vetëm nga mediat por edhe opozita, Damian Gjiknuri duket se e ka marrë me shumë sportivitet daljen e tij në bulik gjatë tryezës së sotme të mbajtur me praninë e OSCE.
Pas përfundimit të zhvillimeve në tryezën e OSBE, për Reformën Zgjedhore, Gjiknuri ka dalë jashtë hotelit ku po zhvillohej takimi, për të folur para gazetarëve, për tensionet dhe debatet në tryezë.
Ish-ministri i Energjisë dhe Infrastrukturës, nuk e kishte dijeninë ose kishte harruar që transmetimi ishte LIVE në të gjitha televizionet dhe nisi të bënte batuta me gazetarët.
Gjiknuri: Ça do bëni o ça? Do e filloni gjë? I japin rëndësi ata, jo si ju? Ju merreni me gjëra të mëdha. (Qesh)
Ish-ministri nisi të qeshte, duke krijuar një hilaritet tek gazetarët e pranishëm por edhe tek studiot informative që po transmetonin live prononcimin e Gjiknurit.
