Presidenti i Republikës, Ilir Meta nëpërmjet një postimi në Facebook ju ka bërë thirrje qytetarëve që të ruajnë qetësinë në familje dhe t’i kthehen jetës së përditshme.
Apeli i tij vjen pas vazhdimit të lëkundjeve nga tërmeti edhe gjatë natës së djeshme, duke shkaktuar panik te qytetarët ku shumë prej tyre e kanë kaluar natën jashtë prej frikës.
“Mirëmëngjes të dashur miq,
Me rëndësi është t’i kthehemi jetës së përditshme dhe qetësisë në familjet tona!
Ju uroj një javë të mbarë!” – shkruan Meta duke e shoqëruar postimin me një foto të tijën së bashku me një qen të bardhë.
