Ministrja e Arsimit, Besa Shahini, u shpreh për Report TV se nga tërmeti i fortë i së shtunës pasdite nuk pati asnjë nxënës dhe mësues të lënduar.
Në fakt, shkollat ishin të mbyllura, për shkak se e shtuna është ditë pushimi.
Nuk dihet nëse ky ishte një lapsus i ministres Shahini, apo lëkundja e tërmetit e ka tronditur aq shumë, sa të bëjë një gafë të tillë.
Shahini u shpreh se ka disa shkolla të dëmtuara por që nuk do ndikojnë në vijimin e mësimit ditën e hënë.
“Ka disa godina që janë pak të dëmtuara. Kryesisht kanë plasaritje të mureve. Drejtuesit e shkollave kanë raportuar. Pjesë dërmuese e shkollave janë kryesisht të paprekura nga tërmeti. Të gjithë drejtuesit e shkollave janë në terren. Shpresoj që gjendja të mbetet në këtë nivel që të hënën të vijojë shkolla pa problem.
Nuk raportohet për mësues mes të lënduarve. Po mbledhim akoma më shumë informacion. Jemi në komunikim të vazhdueshëm me të gjitha ministritë. Jemi duke u munduar të bëjmë çdo gjë që është e mundur për normalizim të situatës”, është shprehur ministrja Besa Shahini.
