Lëkundjet e tërmetit, që u regjistruan dje në orët e pasdites dhe gjatë natës, krijuan panik dhe frikë te qytetarët, kryesisht në Tiranë dhe Durrës.
Por për të inkurajuar nënat e reja, mjekët dhe infermierët e maternitetit “Koço Gliozheni”, u shfaqën duke kërcyer dhe argëtuar.
Mjekja Anika Dokle publikoi videon në rrjetet sociale, ndërkohë që sot ka dhënë lajmin e bukur, ndërsa shkruan se 15 bebusha erdhën në jetë.
“Punë dhe mision. Pritëm 15 bebusha si drita e yllit gjatë një dite ku përmasa njerëzore u ngrit në një nivel tjetër.
I gjithë personeli mjekësor dhe infermieristik në këmbë në mbrojte të jetës, pa lëvizur asnjë minutë nga gratë, nënat dhe bebet. Krenari dhe mirënjohje!”, shkruan Dokle.
