Pas tërmeteve të fuqishme që goditën vendin tonë, sipas njoftimit të gjithë punonjësit e Policisë kanë kaluar në gatishmëri për të menaxhuar trafikun dhe për t’iu ardhur në ndihmë banorëve në nevojë.
Gjithashtu bën apelin se kushdo që ka problematika mund të telefonojë në nr 112.
Njoftimi:
Menjëherë pas rënies së tërmetit, Sallat e Komandimit në të gjitha Drejtoritë Vendore të Policisë në qarqe kanë komunikuar me Specialistët e Policisë së Zonave, me Spitalet dhe me përfaqësuesit e njësive administrative.
Policia e Shtetit ka kaluar e gjitha në gatishmëri.
Me urdhër të Drejtorit të Përgjithshëm të Policisë së Shtetit e gjithë Policia Rrugore është në terren për të menaxhuar trafikun, të gjithë Specialistët e zonave dhe Patrullat e Përgjithshme kanë dalë në terren për tu ardhur në ndihmë banorëve në nevojë por edhe për të shmangur panikun e krijuar
Policia e Shtetit ju bën thirrje gjithë qytetarëve të telefonojnë në nr 112 për problematikat që mund të kenë nga rëna e tërmetit, duke ju garantuar se do jenë menjëherë pranë tyre.
